31 انڈوں کا آملیٹ کھانے کا بڑا چیلنج جیتنے والے کیلئے 1 لاکھ روپے کا انعام، یہ مقابلہ کہاں ہو رہا ہے؟

کھانوں کے مقابلے دنیا بھر میں مقبول ہیں۔ کوئی کم وقت میں دس برگر کھانے کا چیلنج دیتا ہے تو کوئی 5 منٹ میں 10 گلاس شربت پینے کا چیلنج متعارف کراتا ہے۔

مگر بھارت سے ایک منفرد انڈے کھانے کا چیلنج لوگوں کی خاص توجہ کا مرکز بن رہا ہے کیونکہ اس پر ایک لاکھ کا انعام بھی مختص کیا گیا ہے۔

بھارت میں ایک اسٹریٹ فوڈ کا اسٹال لگانے والے دکاندار نے انڈوں کا چیلنج متعارف کرایا ہے جس میں 31 انڈوں کا آملیٹ کھانے والے کو 1 لاکھ روپے انعام سے نوازا جائے گا۔

میڈیا رپورٹس کے مطابق راجیو بھائی نامی دکاندار نے یہ منفرد آملیٹ چیلنج متعارف کرایا ہے جس میں 31 انڈوں سمیت مختلف سبزیاں، کباب، پنیر اور مکھن شامل کیا جائے گا۔

ویڈیو میں دیکھا جاسکتا ہے کہ 31 انڈوں کے آملیٹ میں 4 بڑی مکھن کی ٹکیوں سمیت پنیر، کباب، پیاز، ٹماٹر، مرچوں سمیت سلاد کے پتے اور ڈبل روٹی کے ٹکڑے شامل کیے گئے ہیں۔

اس آملیٹ کی قیمت 1320 بھارتی روپے ہے جو چیلنج قبول کرنے والے شخص کو 30 منٹ میں کھانا ہو گا، اگر ایسا کردکھایا تو اسے 1 لاکھ بھارتی روپے بطور انعام دیے جائیں گے۔